Hæhæ!
Svakalega erum við löt að skrifa hingað inn!!! Algjörir letihaugar.
Hvernig væri nú að skiptast á fréttum? Taka pabba okkur til fyrirmyndar, stendur sig vel í því nýjasta frá Lundi!!! Maður er að heyra af hinu og þessu útundan sér, Inga komin í vinnu, Marta að kaupa íbúð, allir á haus. Út með það!!! Hvernig gengur kennslan Hildur? Eddi, hvað er að frétta af krílinu? Inga, hvernig er vinnan? Marta, hvenær á að flytja inn? Stebba mín, ég þori ekki að spyrja um jú nó watt!!! ... færðu eitthvað frí? Lilli bró, hvernig er Grafarvogurinn?

Lífið er bara samt við sig í Brusslu, lítið markvert að gerast í lífi húsmóðurinnar. Hangi heima í dag með veikan stubb. Ætti að vera á skrilljón að undirbúa brúðkaup. Skipulagið er ekki komið lengra en að panta kirkju, prest og sal! Ætti líka að vera að klára umsóknir fyrir skóla. Þykist ætla að vera gella og fara í MBA nám næsta haust. Úff púff. Þarf að snurfusa sívíið svo það líti út fyrir að ég hafi áralanga reynslu í stjórnunarstörfum!!!! Og ætti líka að vera að undirbúa mig fyrir GMAT próf en niðurstöður úr slíku þarf maður víst að láta fylgja með. Fór í TOEFL próf um daginn og þurfti að fara alla leið til Arnhem í Hollandi til að taka það. Svipað verður víst með GMAT prófið svo ég er varla að nenna þessu! Sem sagt, leti í Brussel! Bíð bara eftir að komast í páskafrí, ætlum að kíkja á frænku mína í London og svo til Chichester til vina okkar. Og svo Klakinn í lok apríl! Tímasetningar ekki komnar á hreint ennþá... en þetta verður líklega síðasta helgin í apríl! Eruð þið geim í það???

Nóg bullað í bili, þarf víst að húsmæðrast áður en litla athyglissjúka, knúsþurfi veikindaskottið mitt vaknar!!!