Hellúúúú
Það er greinilegt að til að eitthvað flæði verði hérna inni - verður eitthvað plan að vera í gangi. Þess vegna stig ég upp á að við gerum regluleg plön! Kannski ekki endilega alltaf bústaður þar sem t.d. ég á svolítið erfitt með að komast frá með kríli sem vill ekki pela.

Við Ágústa skelltum okkur á Selfoss að heimsækja Hildi og Egil. Við vorum rúmlega vísitölufjölskyldan, með 3 börn í bílnum og hundabangsa. Þetta var ansi skemmtileg fjölskylduferð þar sem hlustað var á útvarp Latabæ og slúðrað. Ágústa hafði aldrei komið til Hildar og var augljóslega mjög hrifin af slotinu. Rakel og Egill Ingi léku sér að mestu leyti með ró en undir lokin voru komnar einhverjar hjónabandserjur í spilið. Það gleymdist samt fljótt þegar við vorum lagðar af stað heim og svo tilkynnti hún mér að Egill Ingi væri ROSALEGA skemmtilegur og besti vinur hennar. Tinna Sóley og Sverrir Leó slefuðu bara og gubbuðu eins og fólk á þeirra aldri gerir. Kannski verða þau bara bestu vinir líka :)

En Hildur er vinsamlegast beðin um að setja hérna inn uppskrift af bestu eplaköku sem ég hef smakkað - ég vissi að ég hefði átt að biðja um nesti! Ég vil helst fá mælieiningar... ;)

Ef ég á ekki aftur eftir að skrifa fyrir ferðalagið ykkar, þá bara skemmtið ykkur svooo vel og ég kem með næst.