Vá Eddie, þetta hefur verið rosaleg ferð! Ég skil svo vel hvernig þér leið að ferja barnið á milli, þvílíkur stormur.

Þegar þú minnist á febrúar 2000, fæ ég hroll. Ég var föst þar, kasólétt, í tæpan sólarhring. Þurfti endilega að fara að sjá Heklugosið. Og, eins og allir vita sem hafa verið óléttir, þá getur maður ekki haldið í sér, það var verst.
Svo heyrði pabbi í útvarpsfréttunum um nóttina að verið væri að bjarga ófrískri konu sem væri komin með hríðar úr storminum. Hann var mjög feginn að mamma dottaði yfir fréttunum og sagði henni ekkert þegar hún vaknaði. Þetta var auðvitað ekki ég.
Ég fékk svo að sofa í hjónarúmi hjá góðu fólki á Þorlákshöfn, því að þegar við komum í skólann, þá var hann fullur, og engin dína eftir. Góður björgunarsveitarmaður sendi mig þá heim til sín, vakti konuna sína til að ég gæti fengið að sofa, það var kl 7 um morguninn.

En Lille Bro, ég er að vinna í þessu með myndirnar úr kúbupartýinu. Gott að reka á eftir, þá gleymist þetta ekki!

Hér eru svo fleiri myndir af strákunum mínum: http://www.albumtown.com/showalbum.php?aid=48920&uuid=27650&page=1&pid=758346