Helvíti að missa af skvassinu með ykkur. Bara komst aldrei áður en ég fór út. Þetta er greinilega alvöru fyrst það eru íþróttameiðsl. Allt við það sama í Lundi. Æfi hérna eins og brjálæðingur, þó ekki skvass. Held til í lyftingarsalnum með hinum tröllunum og reyni að verða hrikalegur. Svo er hlaupið 6 sinnum í viku. Svo er ég líka farinn að æfa raddböndin, það var nú nauðsynlegt að styrkja blessaðan Íslendingakórinn í Lundi, ekki veitir af. Mætti í fyrsta skipti á kóræfingu í síðustu viku og kórstjóranum varð það á að biðja okkur um að syngja eins hátt og við gætum. Ég er nú yfirleitt beðinn um að lækka mig og lét ekki segja mér þetta tvisvar heldur setti allt í botn og söng eins og sönnum hetjutenór sæmir með þeim afleiðingum að upphlaup varð í kórnum. Er svo á leiðinni til Gautaborgar á hallærislegasta fyrirbæri sem til er: kóramót íslendingakóra í Svíþjóð. En hvað lætur maður ekki hafa sig út í fyrir frægðina?!
Annars styttist nú í að ég kíki á klakann, verð heima um páskana.

BT

Líst vel á lok apríl. Mynda og gourmet kvöld.
Við Marta og Hildur hittumst á kaffihúsi um daginn, var rosa gaman að sjá Hildi aftur. Við gamla vorum að koma úr skvassi, hún með smá hnjask á milli augnanna. Fékk í sig þrusubolta, ég var að reyna að sýna einhverja takta...ekki alveg nógu gott.
Skilst að þetta sé að lagast, sést bara í vissum prófíl.

Ekki negla 23. strax. Höfum aðeins á bak við eyrað annaðhvort 23. eða 30.!!! Á enn eftir að ákveða endanlega ferðadagssetningar!

Á að negla 23. ??

Laugardagskvöld.... 23. apríl hljómar vel.

Styð það, held það væri ágætt að fastsetja dagssetningu, þá geta allir tekið hana frá í dagatalinu. Ég ætla að reyna að vera yfir 2 helgar svo ég nái nú að sjá sem flesta og ég hugsa að fyrri helgin yrði betri kostur. Líklega færi ég heim á sunnudegi. Engar endanlegar dagssetningar eru ákveðnar, það fer eiginlega allt eftir mömmu og hennar námi. Get eiginlega ekki verið að koma fyrr en hún er búin að klára lokaverkefnið sitt. Svo tímasetningin er ekki fyrr en eftir miðjan apríl, hugsanlega lok apríl - byrjun maí! Þú getur því rólegur farið á árshátíð Böddi!
Þetta gætu verið 22., 23. apríl, 29. eða 30. apríl! Hvort viljið þið föstudags eða laugardagskvöld?

sælar elskurnar,
það er spurning hvort við eigum að reyna fastsetja einhverja dagsetningu fyrir næsta geim (matarboð og myndakvöld?). Það kannski byggist svolítið á þér Ella, hvenær þú ert á landinu ? Ég veit fyrir sjálfan mig að 9. apríl er off þar sem ég er á árshátið. Páskarnir eru í lok mars þannig að þeir eru ekki að trufla. Hvað segið þið, reyndar alltaf erfitt að fastsetja dagsetingu 2 mánuði fram í tímann.......

Hæ meiri snjór meiri snór meiri snjór...jibbý minns fær frítt far norður um helgina á skíði...well 'frítt' ég þarf að keyra 3 hljómsveitir á djamm, hinar fræknu sveitir Beikon, Ælu og Skáta...það vantar ekki nöfnin :)

Takk fyrir allar afmæliskveðjurnar... og til hamingju með daginn Böddi!!! Jú, það passar, Kjartan er fæddur sama dag og þú... bara einhver x ár á milli! Og fyrst maður er í hamingjuóskunum... Innilega til hamingju Hildur!!!! Gaman gaman! Þetta verður stuð hjá þér en bara gaman!
Ákveðiði endilega kaffihúsaferð, ég redda bara þyrlu. En ég vona að við séum enn on þegar ég mæti á Klakann, sem verður líklega í apríl!

Ætlaði að bæta við að það er annað hvort þessi vika eða næsta sem ég get "hist". Hugsa að færðin sé ekkert fljúgandi núna fyrir Hildi.. en 22. feb er ég að fara til Brighton og verð í rúma viku svo að drífum okkur endilega í að hittast. Segiði hvenær þið komist og svo veljum við tíma :)

Kærar afmæliskveðjur til beggja töffaranna!
Svooooooooooo skemmtilegar þessar óléttur :D Hjúkkit að fréttirnar eru komnar hérna inn... ég var að springa!! Kveðja frá Ágústu í gestabók :)

Ofsalega til í kaffihús. Langar líka til að hitta ykkur og komast út úr húsi. Er reyndar að byrja í Landsbankanum eftir viku og Tinna fór til dagmömmu í dag........... pínu erfitt :S Er s.s. að fara í starfsmannahaldið eins og ég var að gera í KB-banka. Yfirmaður minn þar skipti um banka, ásamt öllum sem ég þekkti þannig að ég er bara að fara að hitta gamla liðið aftur - sem er gott :)

Svo ætla ég að sækja um MS í viðskiptafræði fyrir haustið. Skemmtilegt að hafa svona margt framundan því aðallega hefur Halli staðið í námi og vinnum meðan ég hef verið ólétt og séð um börnin. Gaman að gera eitthvað fyrir sjálfa mig. Hvenær eigum við svo að hittast? Ég kemst eftir 8 á þri,fim og fös en fyrir 8 á mán og mið.

Ja hérna, það er aldeilis.... til hamingju HILDUR !!!! Vona að allt eigi eftir að ganga vel.
Meiri frjósemin í sumum Kúbu-fjölskyldu-meðlimum um þessar mundir - erfingjarnir fara brátt að nálgast annan tuginn !

Til hamingju með afmælið Böddi og Ella, til hamingju með Kjartan. Ég var einmitt að kíkja á myndirnar af honum í dag, ekkert smá myndarlegur gæi.

Annars get ég sagt ykkur smá fréttir af mér, það er að fjölga í fjölskyldunni okkar í júlí n.k. (er komin 16 vikur). Svo það verður heldur betur fjör hjá mér næsta haust, með lítið kríli og gaurinn minn sem verður pottþétt svoldið abbó þar sem hann vill helst hafa alla athygli á sér.

Og svo smá til stelpnana, eruð þið til í kaffihúsaferð fljótlega, mig langar svo að fara að komast eitthvað aðeins út úr húsi. Ég er til hvenær sem er svo lengi sem færðin er ágæt.

Gleymdi að óska þér Ella til hamingju með litla púkann/prinsinn þinn.... 1 árs.
Mig minnir endilega að hann eigi sama afmælisdag og ég 5. febrúar.

sæl öll, þá er maður svona að mestu að skríða saman eftir leiðindarflensu sem herjaði á mann alla síðustu viku ! Ömurlegt að liggja svona fyrir og geta lítið gert... vona að þið flest hafið sloppið við þessa pest sem er að ganga og manni skilst að hálf þjóðin hafi fengið eða liggi í, allavega nokkrir á mínum vinnustað núna frá vegna hennar !

ég á alltaf eftir að upplifa Köben (í kóngsins köbenhávn) - kannski maður eigi eftir að rekast á einhver ykkar þar á strikinu (er samt ekki á leiðinni þangað á næstunni) !

mútter! það er þorrablót á vinnustaðnum hja mér á föst!! massa stemning og endalaust fjör :Þ þú ert velkominn!!!!

Hann er alveg yndislegur hann Halldór Þór!!! Sé hann fyrir mér með víkingakórónuna að steyta hrútspunga úr hnefa! Þið hafið ekki viljað gefa honum svið????

Látið mig vita þegar þið farið til Köben, alltaf hægt að redda sér ódýru flugi þangað!!!!

Ég hefði átt að tuða meira yfir þessum þorramat um daginn. Sama dag kom drengurinn mjög svekktur úr leikskólanum af því að hann hafði misst af þorramatnum í leikskólanum vegna veikinda vikuna áður. Hann hafði föndrað sér víkingakórónu með hornum til að bera á þorrablótinu.
Foreldrarnir brugðust auðvitað strax við og fóru í Nóatún og snöruðu fram þessu fína heimatilbúna þorrablóti (töluðum ekkert um hvað við hötum súran mat). En þetta var fínt, átum mest hangiket og harðfisk með smjeri og snáðinn var hinn ánægðasti með víkingakórónua sína á hausnum og smakkaði hrútspunga og lundabagga. Harðfiskurinn sló nú mest í gegn.
Svo að ef þú færð ekki þorrablót Eddie minn, þá mæli ég með þessari aðferð, sérstaklega kórónunni ;)

Það er gaman að fjölskyldan er alltaf á einhverju flakki, gamla var að koma frá Köben líka. Ég ætla að fara með henni næst, og þá tek ég Ingu örugglega með.

MIG LANGAR A ÞORRABL'OT!!!! oh ég er einn af þessum örfáu Íslendingum sem elska þorramat og það er bara ekkert andsk. þorrablót sem mér er boðið á eða ég veit um og get troðið mér að í... ég er gráti næst!

Lundur er ráðstefna landfræðinga á norðulöndum: http://www.ngm.cc .... svo er Félag landfræðinga með bjórkvöld á póstbarnum á lördag... allavega athuga með vandrarhjem í Sverige, ég er með eina local í málinu líka, og svo gæti flækt mál að ég smygla sennilega einum 12 ára með í handfarangri...

Mér sýnist bara að hálf fjölskyldan hafi verið í Köben undanfarna daga. Maður þarf kannski að kíkja á borgina og hitta ykkur þar! Meira flakkið á þessari familíu.

Ég tók út þorrablótsfílinginn um helgina, litla nýlendan hélt sitt þorrablót að raufarhöfnskum sið, mikið stuð, að vísu lítið sungið vegna skorts á söngtextum, iss, þetta fólk kann ekki neina texta!!! Heimasoðin skemmtiatriði og svo tjúttað við diskótekið Dollý fram á nótt. Hversu íslenskara verður það!!!! Ég stóð mína pligt og át hákarl og brennivín eins og sönnum Íslendingi sæmir, maður verður að sýna þessum útlendingum hvað maður er mikill víkingur! En ég er samt svo fegin að það er ekki nema einu sinni á ári sem maður þarf að ganga í gegnum þetta!!! Belgísk tollayfirvöld ætluðu nú varla að hleypa þessum þorramat inn í landið. Það tók 2 sendiráðsmenn 9 og hálfan tíma að bjarga þorramatnum frá eyðingu! Yfirdýralæknirinn sefur eflaust illa! En þeir fengu loksins "góðgætið" en með því skilyrði að öllum afgangi yrði eytt!!!! Belgar.... skil þá samt vel.... hver myndi hleypa slíku inn í sitt land?????

Talandi um flakk þá er Íslandsferð mín líklegast á dagskrá um miðjan apríl, verður gaman að sjá ykkur og Klakann aftur...