Var eitthvað að ruglast... hittumst kl 4 fyrir utan ríkið í Kringlunni

ÆÐI!! Hittumst allar í mjólkurbúðinni í kringlunni, var það ekki kl 3?

gæs! er buin að redda 4 stólum þannig eg þarf bara þessa frá þer gamla mín :)

Ég kemst örugglega með í mjólkurinnkaup, bjallið bara í mig þegar þið eruð komnar í Kringluna. Ætla að nota ferðina og versla brúðkaupsgjöf svo ég verð á búðarrápi allan daginn. Gsm nr. mitt er 865 0638 ef þið eruð ekki með það.

Oh ég hlakka svo til!!!!

Ég sit hérna með feitt sólheimaglott og bara iða í stólnum! Gooooodddd.... Gaaaammaaaaannn!!!

Ég skal alveg mæta í mjólkur-og djúsbúðarleiðangur. Verð eflaust í símasambandi þegar ég verð komin á Klakann.

Annars er bara allt á fullu að pakka og undirbúa. Hafa nóg af nesti og dóti til að lifa af 7 tíma ferðalag ein með 14 mánaða barn! Gúlp! Verður fjör. Sem betur fer fæ ég áfallahjálp þegar ég kem á Klakann og frí frá barnauppeldi í 2 vikur!!!! Súper.

Sjáumst á laugardaginn!

salt og pipar origano og matarsóti.. og olia . er til.. ekkert annað..veit að matarsótinn durgar í lítið enn fannst það skemmtilegt að telja allt sem er til á heimilinu :) það eru til pottar, hnifar, eldfastform og svona sitt lítið af hverju.... vel á minnst.. það eru bara til 6 diskar.. eg redda rest fyrir laug :) Við verðum 8 held eg.. Egill ætlar að vera með... og ú ú ég ætla að kaupa pönnu í dag! Skrytið þetta með prumpið mamma :-

Hvernig er krydd staða hjá gömlunni, ertu með svona 'basic stöff' eins og salt og pipar og svoleiðis?? Er eldfast mót og pottar og pönnur og verkfæri, hnífar og gums??...iðrin í mér iða af eftirvæntingu, ég prumpa þar af leiðandi reglulega af spenning...

Mest ljómandi plan!! Stelpur.. eigum við ekki að hittast bara kl 16 og fara í mjólkur og ávaxta túr? ekki bara kringlan hjá kaffitár?? EITT!!!! ég á enga stóla :) Stebba getur reddað 4 en mig vantar 4 í viðbót!! eigið þið ekki meðfærilega stóla sem þið getið komið með? Verð buin að kaupa pönnu fyrir laug og fæ lánuð glös :) þannig þó þetta verði ef til vill frumstætt þá held eg að við reddum þessu :) Er komin með mikilvægasta hlutin : Blender :)!!! og er að filla frystirinn af klökum... jeijj hvað ég hlakka til :)

Mér finnst að mojito sé nauðsynlegur.... og mojitoskálar eru mjög góðar í slíka blöndun! Strawberry daquiri er líka góður... ég á meira að segja uppskrift af einum slíkum óáfengum handa þér Stebba mín!

Fylgifiskar? Tja, Hrafnkell verður ekkert dreginn með, hann fær bara að vera í Brussel að vinna fyrir okkur, og Kjartan fær sko að vera í pössun hjá ömmu og afa alveg fram á mánudagsmorgun!!!!

Virgin Strawberry Daquiri:
1 oz fresh lime juice
3 oz frozen strawberries (or fresh)
1 teaspoon sugar
cracked ice

Fill a blender with cracked ice. Add lime juice, strawberries and sugar. Blend until smoot, then pour into a chilled glass. Garnish with an extra strawberry (if you have one).

Hei... það er líka hérna óáfeng pina colada....

Pina Colada
2 oz coconut milk
1 1/2 oz crushed pineapple
1 oz pineapple juice
1/4 cup crushed ice
Brown sugar to taste (1 tbs)

Put all the ingredients into a blender and blend until smooth (about 30 sec). Pour into chilled glass. Garnish with a pineapple wedge or a maraschino cherry.

Jumm...

En á ekki örugglega einhver uppskrift af ÁFENGUM kokteilum? Ég held ég kunni að gera mojito ennþá....

Gott plan, ég skal standa mig í að blanda kokteila, þó ég megi ekki drekka þá sjálf. Fæ mér bara mojito með sprite...OJJ!!
Hvaða kokteilar eru á óskalistanum? JÁ vitiðið hvað!! Af því að mojitoið var ekki nógu gott í bústaðnum, þá fékk ég mojito skál í jólagjöf. Það heitir víst mortél, en ég er alveg til í að gera mojito í nýju mojito skálinni minni :=)
Fylgifiskar? Ætlið þið að mæta með einhverja? Ég held að Snorri sé ekki endilega með núna, en ég get dregið hann með hvenær sem er, hann er voðalega meðfærilegur alltaf.

Alltaf reddar mútter okkur!

Jú líst vel á planið hjá þér! Höldum okkur bara við það, það klikkar aldrei ;-)
Mætum bara upp úr 17 með kokteilana!

Er þetta ekki gamla góða planið?

Lilli og Mútter í búð og redda mat, eftir Ellu uppskrift með twist frá Afa

Steplu skrítlurnar fara í mjólkurbúð og Ávaxtasafabúð Sigurbjarnar eftir drykkjum

Mæting er

Mútter, Lilli, gamla, Stebba, Ella, Hildur, Inga pinga ... fleiri??

Eldamennska um 17.00 í nýju sloti gömlu...

howsat???

ég mæti.

Ég ætla að mæta á laugardaginn, það vill reyndar svo óheppilega til að það er óvissuferð í vinnunni hjá Tóta á laugardaginn en ég ætla bara að fara með guttann upp í sveit og láta mömmu hlaupa á eftir honum. Ef það verður 3ja rétta eigum við þá ekki bara að byrja frekar snemma? Kannski um kl. 18? Hvernig líst ykkur á það? Mín vegna má alveg byrja fyrr. Ég er ekki með neinar hugmyndir um mat en líst vel á kjúklinginn hjá Ellu.

jæja nú eru bara nokkrir dagar til stefnu!! ætla ekki allir að mæta? hvað verðum við mörg? einhverjir fylgifiskar? hvenær eigum við að byrja á laugardaginn? hvað sagði afi? er ekki 3-rétta?

Afi kemur á morgun í bæinn, ég rek spíss í gegnum kallinn og grilla hann um upplýsingar...hann hefur allavega verið slatta í Kingston svo hann hlýtur að muna eitthvað, nema hann sé að leyna einhverri neyslu afurða úr jurtaríkinu...

Ég ákvað að ríða á vaðið og skella inn jamaikönsku uppskriftunum sem ég fann um daginn.

Jamaican Jerk kjúklingur (f.4)
1 msk mulið allrahanda krydd
2 tsk mulinn kanill
4 vorlaukar, saxaðir
2 rauð chili, fræhreinsuð og söxuð
1/2 tsk þurrkað timian
2 tsk ljós muskovado sykur
1 msk sólblómaolía
4 kjúklingabringur
2 lime
ferskt kóríander

Setjið krydd, lauk, chili, timian, sykur og olíu í matvinnsluvél eða blandar og maukið. Saltið ef vill. Líka hægt að nota mortél.
Makið þessu mauki á allan kjúklinginn og setjið á grunnan disk. Látið bíða allaveganna í 30 mín í ísskáp, best ef hann er marineraður yfir nótt.
Kreistið safa úr 1 lime yfir kjúklinginn. Steikið á grillpönnu eða grilli við vægan hiti í amk 25-30 mín, snúið einu sinni. Dreifið kóríander yfir og sneiðum af lime og berið fram.

Kókoshrísgrjón og baunir (f.4)
200 gr basmati hrísgrjón
1 stöngull af fersku timian eða slatti af þurrkuðu
smá chiliflögur eða duft
4 vorlaukar, í sneiðum
400 g dós af kókosmjólk
400 g dós af rauðum nýrnabaunum

Hreinsið hrísgrjónin í sigti og setjið síðan í pott. Bætið timian, chili og 2 vorlaukum út í. Blandið kókosmjólk við vatn þar til blandan verður 600 ml og setjið út í pottinn. Saltið. Sjóðið í 8 mínútur með lokið á. Hellið af baununum og hreinsið þær. Bætið þeim út í hrísgrjónapottinn. Sjóðið áfram í 3-4 mín með lokinu á þar til hrísgrjónin eru tilbúin. Dreifið afgangnum af vorlauknum yfir.

Og síðast en ekki síst,
Jamaican Rum Punch (f.4-6)
100 g grófur sykur
150 ml ferskur limesafi (sirka 5 lime)
425 ml jamaíkanskt romm
600 ml exotic ávaxtasafi
mulinn ís
sneiðar af ananas, lime og appelsínum

Setjið sykur í mæliglas og hellið yfir sjóðandi vatni upp að 300 ml markinu. Hrærið til að leysa upp sykurinn. Kælið.
Hellið sírópinu í stóra skál og bætið í limesafa, rommi og ávaxtasafa. Hrærið vel. Setjið helling af mulnum ís í glösin og hellið punchinu yfir. Skreytið með ávaxtasneiðum.

Nokkrar hugmyndir í safnið!!!

Jæja gamla mín, til hamingju með flutninginn. Verst að komast ekki að sjá dýrðina þann þrítugasta. En það verður nú heldur betur gleði hér í svíaríki þann dag, Helga ætlar að koma til mín í nokkra daga eftir að hafa verið á ráðstefnu í Uppsala og þennan dag 30 apríl halda svíar út á götur borga og bæja og skvetta ærlega úr klaufunum. Þetta er þeirra verslunarmannahelgi þannig að það verður gríðarlegt stuð. Annars er fer þetta nú að styttast í annan endann hjá mér, ekki nema rúmar 6 vikur eftir af náminu og þá er það bara Skandinavískt frí í hálfan mánuð með familíunni. Var að ljúka við að lesa bókina Engla og Djöfla eftir Dan Brown. Fjallar um þegar allt fer fjandans til þegar verið er að kjósa nýjan páfa. Mjög dramatískir og hroðalegir atburðir eiga sér stað. Hvet fólk til að lesa hana núna á meðan páfakjörið fer fram.
BT

Gömlu þykir virkilega vænt um okkur Hildur. Hef aldrei séð hana tala um óáfenga drykki áður. Það verður rosa gaman. Endilega skellið uppskriftum á netið. Mútter... ertu búin að spyrja afa um uppskriftir? Þær hafa alltaf heppnast rosa vel.

Til lukku gamla með flutninginn ! Líst vel á pleisið miðað við myndirnar sem maður sér á síðunni þinni, endilega dæla inn fleirum.... svakalega ertu nú þolinmóð, ég væri genginn af göflunum að bíða í svona 3-4 mánuði, ég hef alltaf flutt innan 1-2 vikna í þau skipti sem ég hef staðið í búferlaflutningum !
Jamm, þurfum svo að fara dúndra inn uppskriftum, syttist í gleðina eftir tæpar 2 vikur... er ekki málið að byrja nógu snemma og dunda sér við matseld og skála í kokkteilum (óáfengir fyrir suma). Ennþá 100% mæting í gangi, fyrir utan að sjálfsögðu BT, vonum að það breytist ekki !